TASVIRIY SAN‘AT VA MUHANDISLIK GRAFIKASI KAFEDRASI

Kafedra mudiri: dotsent, t.f.n.

Ochilov Farxod Egamberdiyevich

Telefon: (+99893) 420-24-22

Elektron manzili:    This email address is being protected from spambots. You need JavaScript enabled to view it.

 

Kafedra haqida

Tasviriy san’at va muhandislik grafikasi kafedrasi 2008-yil 20-mayda Kasbiy ta’lim kafedrasi negizida tashkil etildi. Kafedrada hozirgi vaqtda 12 nafar professor- o‘qituvchilar faoliyat ko’rsatmoqda, shulardan: 2 nafari texnika fanlari nomzodi, dotsent; 3 nafari katta o‘qituvchi, 7 nafari assistent-o‘qituvchilar bo‘lib, ilmiy salohiyat 17 % ni tashkil etadi.

Tasviriy san’at va muhandislik grafikasi kafedrasi “Tasviriy san’at va muhandislik grafikasi” yo’nalishi bo’yicha mutaxassis tayyorlovchi kafedra hisoblanadi. Har yili kafedra professor-o‘qituvchilari hamda talabalarning ijodiy ishlari ko’rgazmasi tashkil etiladi. 2016-yil may oyida «Ustoz va shogird an`analarida ranglar jilosi» nomli tasviriy va amaliy san`at asarlari ko`rgazmasi bo`lib o`tdi.

Kafedrada kasb-hunar kollejlari bilan hamkorlik ishlari yaxshi yo’lga qo‘yilgan.Kafedra kop yillardan beri Shahrisabz pedagogika kolleji bilan hamkorlik qilib kelmoqda. Kafedramiz katta o‘qituvchisi E.Jabborov Qarshi san’at kollejida o‘rindoshlik asosida dars beradi.

 

O‘quv jarayonidan lavha

Baxromova Shahnoza, Sadinova Gulchehra, Fozilova Kumush, Yuldosheva Ruhshona kabi talabalarimiz iqtidorli talabalarning  “Yurt kelejagi”,  “Zulfiya”, “Biz prezident farzandlarimiz», «Mustaqil yurt hunarmandlari», «Buyuk ipak yo‘li bo‘ylab Xalqaro turizm yarmarkasi», «Yuksak ma`naviyatli avlod», nomli qator Xalqaro va Respublika miqyosidagi ko‘rik tanlovlarda muaffaqiyatli ishtirok etishib, sovrinli o‘rinlarni egallab kelishmoqda. 

 

 

Kafedra mudiri F.Ochilov 2017- yilda fidokorona mehnati uchun O‘zbekiston Respublikasi Oliy va o‘rta  maxsus ta’lim vazirligining faxriy yorlig’i bilan taqdirlandi.

 

2015 -yilda 2 ta Xalqaro hamkorlik shartnomalari imzolandi. 2015 -yil aprel va avgust oylarida kafedramiz Rossiya va Bolgariyadan Xalqaro hamkorlik aloqalari bo‘yicha tashrif buyurgan mehmonlar delegatsiyasiga mezbonluk qildi. Hozirgi kunda kafedrada Xalqaro loyihalarni amalga oshirish bo`yicha ham ishlar olib borilmoqda. 2016 va 2017- yillarda Belgorod davlat universiteti hamda Qozog’iston respublikasi Oliy ta’lim muassasalari bilan hamkorlik shartnomalari imzolandi.

2016- yil oktyabr oyida kafedra mudiri F.Ochilov Rossiya Federatsiyasidagi Belgorod davlat universitetida ilmiy safarda bo’ldi.

 

2016- yil may oyida Krasnoyarsk badiiy institutidan professor Rogachev Viktor va dotsent Rogacheva Irinalar universitetimizga tashrif buyurishdi.

Shuningdek, Belgorod davlat universiteti dotsentlari Olga Popova hamda Anjili Dalenenko lar 2017- yil mart hamda may oylarida ilmiy safar bilan universitetimizga tashrif  buyurishdi. Ular bilan hamkorlikda talabalarimiz bilan uchrashuvlar, mahorat darslari tashkil etildi.

Kafedrada to‘garaklar ishi hamda ustoz-shogird tizimi yaxshi yo’lga qo‘yilgan. Kafedra qoshida faoliyat yuritayotgan «Musavvir» va «Zargarlik» to‘garaklarida iqtidorli talabalarimiz san‘at sirlarini yanada mukammal o`zlashtirishga erishyaptilar. 2008-2009-yillarda kafedra mudiri lavozimida texnika fanlari nomzodi F.Ochilov, 2009-2015- yillarda katta o’qituvchi T.M.Astanov ishlab kelgan. 2015 -yildan hozirgi kunga qadar texnika fanlari nomzodi F.Ochilov kafedrani boshqarib kelmoqda.

Kafedrada tayyorlanayotgan ta’lim yo’nalishlari va mutaxassisliklar:

5110800-Tasviriy san’at va muhandislik grafikasi yo’nalishi bo’yicha kadrlar tayyorlanadi. Mazkur yo’nalish bo’yicha hozirda 140 nafar talaba tahsil olmoqda.

Kafedrada olib borilayotgan ilmiy ishlar:

Kafedrada ilmiy tadqiqot ishlari ikki yo‘nalishda:

1. O‘rta umumta’lim maktablarida tasviriy san’atni va chizmachilik fanlarini zamonaviy pedagogik texnologiyalar asosida tashkil etish metodikasi.

2. Kasb-hunar kollejlarida muhandislik grafikasi fanini o‘qitishni takomillashtirish metodikasi yo`nalishlarida ilmiy tadqiqot ishlari olib borilmoqda.

Kafedrada oqitiladigan fanlar:

Bakalavriat

Chizma geometriya
Qalamtasvir
Rangtasvir. Kompozitsiya
Chizmachilik
Plastik anatomiya
Akademik qalamtasvir asoslari va kompozitsiya
Dastgohli akademik rangtasvir va kompozitsiya
Tasviriy sa‘nat texnologiyasi va nusxa ko’chirish
Haykaltaroshlik
Amaliy san‘at. Badiiy bezak san‘ati.
Grafik tasvirlash asoslari
Tasviriy san’at va muhandislik grafikasi o’qitish nazariyasi va metodikasi
Tasviriysanatvamuhandislikgrafikasioqitishninginnovatsion pedagogiktexnologiyalari
Kompyuter grafikasi
Tasviriy san’at tarixi
Soyalar nazariyasi
Miniatura

Kafedra professor-o‘qituvchilari tarkibi:
Ochilov Farhod Egamberdiyevich, t.f.n.,dotsent, kafedra mudiri
Maxamov Xo`jaahmad Tavashovich, t.f.n.,dotsent
Astanov Tolib Muxtarovich-katta o‘qituvchi,
Jabborov Erkin Xolliyevich-katta o‘qituvchi
Muxammadiyev Mufassal - Maxmanazarovich, katta o‘qituvchi
Shafoatov Zokir Jovliyevich, o‘qituvchi
Kamolov Iftixor Baxtiyorovich, o‘qituvchi
Turayev Elyor Isoqovich, o‘qituvchi
Qorjovov Bobur Jovliyevich, o‘qituvchi
Muhammadiyeva Zarifa Lutfullayevna, o‘qituvchi
Mirzayev Orifjon – oqituvchi
Sattorova Aziza Anvarovna, o‘qituvchi

Kafedrada olib borilayotgan ilmiy-uslubiy ishlar:

  

F.E.Ochilov., M.R. Radjabovich. “Geometrik va proyeksion chizmachilikdan mustaqil ishlash uchun topshiriqlar”, O‘quv uslubiy qo‘llanma- Qarshi 2012- yil. 

M.R.Rajabov, F.E.Ochilov. Muhandislik grafikasi(uzatmalar)-Qarshi 2014-yil

Т.А.Ergashev. Tasviriy san’atdan izohli lug’at- Qarshi 2013. 

Kafedra manzili: Pedagogika fakulteti, 4-qavat,411-xona

JoomShaper