Maktabgacha va boshlang‘ich ta’lim metodikasi kafedrasi

Kafedra mudiripedagogika fanlari doktori

Rizamat Davranovich Shodiyev

Telefon: (+998 91) 644-23-89

Elektron manzil:  This email address is being protected from spambots. You need JavaScript enabled to view it.

 

Kafedra tarixi

“Boshlang‘ich ta’lim” kafedrasi 1960 yilda Qarshi davlat pedagogika institutida "Boshlang‘ich ta’lim metodikasi" nomi bilan tashkil topgan. Kafedrada shu o‘tgan davrda professor M. Ochilov, professor T. G‘afforova, dotsentlar T.Rasulovlar, Sh.Nurullayeva,  N.Oripovalar mudirlik qilgan. 2014 yil 1 apreldan boshlab “Ijtimoy pedagogika” va “Maktabgacha ta’lim” kafedralarini optimallashtirish va tarkibiy o‘zgarishlar natijasida “Maktabgacha va boshlang‘ich ta’lim metodikasi”  kafedrasi tashkil topdi. Hozirgi kunda mazkur kafedraga pedagogika fanlari doktori R.D.Shodiyev mudirlik qilmoqda.

Kafedra ravnaqiga  katta hissa qo‘shgan olimlardan  professor M. Ochilov va professor T. G‘afforovalardir. M.Ochilov 1960 yildan 2010 yilgacha kafedrada faoliyat ko‘rsatdi. Ish jarayonida unumli mehnat qilib, ustoz degan ulug‘ nomni sharaf bilan oqlab keldi. U o‘z faoliyati davomida  yoshlarni yetuk mutaxassis, komil inson qilib tarbiyalashga ulkan xissa qo‘shish bilan birga yuzdan ortiq ilmiy maqolalar, risolalar va darsliklar yozib nashrdan chiqardi. O‘nlab fan nomzodlari tayyorlab, ko‘plab doktorlik dissertatsiyalariga ilmiy maslaxatchi bo‘lgan. Ustoz “Oliy maktab pedagogikasi” darsligining muallifidir. Shuningdek, professor M.Ochilov ilmiy izlanishlari natijasida “Yangi pedagogik texnologiyalar”, “O‘qituvchi odobi” kabi ko‘plab o‘quv qo‘llanmalarini nashrdan chiqardi. Olim  chex pedagogi Yan Amos Komenskiyning “Buyuk didaktika” asarini o‘zbek tiliga  tarjima qildi. Hukumatimiz olimning ko‘p yillik ilmiy va pedagogik mahoratini inobatga olib, uni bir qancha  orden, medal va faxriy yorliqlar bilan taqdirlagan. Olimning “Oliy maktab pedagogikasi” nomli darsligi hozirgi kunda magistrantlar uchun asosiy adabiyotlardan biri sifatida xizmat qilmoqda.

2002-2009 yillargacha kafedraga pedagogika fanlari nomzodi, dotsent Tal’at G‘afforova rahbarlik qildi, bu davrda ham kafedra har taraflama taraqqiy etib ilmiy salohiyati ko‘tarilib bordi. U mudirlik qilgan yillardan  kafedra o‘qituvchilardan Sh.Nurullayeva, N.Ochilova, N.Oripova, D.Kenjayeva, Sh.Hamroyevlar nomzodlik dissertatsiyasini himoya qilib, pedagogika fanlari nomzodi ilmiy darajasini oldi. Professor T.G‘afforova mudirlik ishlari bilan birga mamlakatimiz ta’lim sohasiga o‘zining munosib hissasini qo‘shdi. Jumladan, boshlang‘ich sinf o‘quvchilari uchun “Alifbe”, “O‘qish” darsliklarini nashrdan chiqardi. Shu yillar davomida kafedra professor-o‘qituvchilari tomonidan ham ko‘plab risolalar, o‘quv – uslubiy qo‘llanmalar tayyorlandi va ommaviy axborot vositalarida, davriy matbuotda ko‘plab ilmiy maqolalar chop etildi.

2009-2014 yillargacha kafedraga pedagogika fanlari nomzodi, dotsent Nurullayeva Shaxlo O‘ktamovna rahbarlik qildi. Uning rahbarligi jarayonida ham  kafedra ko‘rsatgichlari o‘sib bordi. Kafedra o‘qituvchilari  uning mudirligi davrida o‘quv, ilmiy, uslubiy, tashkiliy  jihatdan ishlarni samarali olib bordi. U bu davrga kelib kafedrada  5A111701- Boshlang‘ich ta’lim mutaxassisligi bo‘yicha magistratura va 13.00.01 – Pedagogika nazariyasi va tarixi. Ta’limda menejment ixtisosligi bo‘yicha katta ilmiy xodim izlanuvchilar  instituti faoliyat yurita boshladi. 2014 yil iyun oyidan boshlab kafedraga  Shodiyev Rizamat Davranovich mudirlik qila boshladi.  Shodiyev Rizamat Davranovich kafedraga mudirlik qilayotgan davrdan buyon kafedrada ilmiy tadqiqot ishlari yanada yuksalishi kuzatilmoqda. Bu davrga kelib, kafedrada 5A111701 - Ta’lim-tarbiya nazariyasi va metodikasi  (Maktabgacha ta’lim) magistratura hamda 13.00.01 – Pedagogika tarixi va nazariyasi. Ta’limda menejment hamda 13.00.05- Kasb-hunar ta’limi nazariyasi va metodikasi bo‘yicha tayanch doktorantura (PhD) hamda doktorantura (DSc) faoliyat yuritmoqda.

Kafedrada 1 nafar fan doktori,  6 nafar fan nomzodi, dotsentlar 1 nafar professor, 14 nafar o‘qituvchi faoliyat ko‘rsatadi va ilmiy salohiyat 38 % ni tashkil etadi. Maktabgacha va Boshlang‘ich ta’lim metodikasi kafedrasi 5141800-maktabgacha ta’lim va 5111700 – boshlang‘ich ta’lim va sport tarbiyaviy ish yo‘nalishlari bo‘yicha ixtisoslik  kafedrasi hisoblanadi.

Bakalavriat:

5141800 - Maktabgacha ta’lim yo‘nalishida  quyidagi fanlar o‘qitiladi:

  • Umumiy pedagogika nazariyasi va amaliyoti
  • Maktabgacha pedagogika
  • Pedagogika fanlarini o‘qitish metodikasi
  • Nutq o‘stirish metodikasi
  • Elementar matematik tassavvurlarni shakllantirish metodikasi
  • Bolalarni tabiat bilan tanishtirish metodikasi
  • Estetik tarbiya metodikasi
  • Maktabgacha yoshidagi bolalarni maktabga tayyorlash
  • Maktabgacha ta’limni axborotlashtirish
  • Maktabgacha ta’limni o‘qitishda innovatsion  pedagogik texnologiyalar
  • Ijodiy faoliyatga o‘rgatish
  • Tarbiyaviy ishlar metodikasi
  • Oilashunoslik
  • Korreksion pedagogika logoped asoslari
  • O‘zbekistonda pedagogika tarixi

Bakalavriat:

5111700 – boshlang‘ich ta’lim va sport tarbiyaviy ish yo‘nalishida quyidagi fanlar o‘qitiladi

  • Ona tili o‘qitish metodikasi
  • Matematika
  • Matematika  o‘qitish metodikasi
  • Oliy matematika asoslari
  • Umumiy pedagogika nazariyasi va amaliyoti
  • Mehnat va uni o‘qitish metodikasi
  • Tarbiyaviy ish metodikasi
  • Tabiat va uni o‘qitish metodikasi
  • Jismoniy tarbiya nazariyasi va metodikasi
  • Boshlang‘ich ta’limni o‘qitishda innovatsion pedagogik texnologiyalar
  • Xalq pedagogikasi
  • Nutq o‘stirish metodikasi

5A111701–Boshlang‘ich ta’lim mutaxassisligi bo‘yicha quyidagi fanlar o‘qitiladi:

  • Boshlang‘ich talimning metodologik asoslari.
  • Boshlang‘ich ta’limda psixologik-pedagogika nazariyasi va texnologiyasi.
  • Mutaxassislik fanlarini o‘qitish metodikasi.
  • Tabiatshunoslik va mehnat ta’limi nazariyasi va metodikasi.
  • Matematika nazariyasi va amaliyoti
  • Pedagogik tadqiqotlarda statistika metodlari
  • Dunyo mamlakatlari ta’lim tizimi
  • Tarbiyaviy ishlar nazariyasi va uni o‘qitish  metodikasi

Kafedraning ilmiy uslubiy ishlari:

Mazkur yo‘nalish bo‘yicha dotsent T.G‘afforova, Sh.Nurullayeva, N.Oripova,  O.Aslonova, M.Muhammadiyeva, Y.Yarmanova monografiya va risolalari nashr qilingan.

Kafedra a’zolari U.Yoziyeva, O.Aslonova, S.Yo‘ldoshevlar nomzodlik dissertatsiyalari ustida ishlamoqdalar.

Kafedra a’zolari:

  • p.f.d.  Shodiyev Rizamat Davranovich
  • prof. G‘afforova Tal’at G‘afforovna
  • dots. Nabiyev Abdisalom
  • dots. Nurullayeva Shaxlo O‘ktamovna
  • dots. Oripova Nodima Xalilovna
  • p.f.n.Raxmanova Mahfuza Xolmurodovna
  • p.f.n. Kenjayeva Dildora Tirkashevna
  • k.o‘q. Raxmatullayeva Shaxodat Ziyatovna
  • k.o‘q. Yuldashev Nazar O‘sarovich
  • Ashurova To‘lg‘anoy Ergashevna
  • Muxammadiyeva Manzura Maratovna
  • Yarmanova Yulduz Bo‘riyevna
  • Yoziyeva Umida Lutfullayevna
  • Aslonova Orzigul Pirimovna
  • Yo‘ldoshev Sodiq Norchayevich
  • Choriyeva Feruza Amrullayevna
  • Ochilov Akmal Eshtemirovich
  • Yo‘ldoshev Jahongir Tilakmurodovich.
  • Bobomurodov Kupaysin
  • Umirov Azamat Abdinazarovich
  • Xaitova Yulduz Saitovna
  • Temirov Shuxrat  Kaxramonovich
  • Kazakova Marhabo Qudratovna 

2015-2017 yillarda “Yoshlarni umummilliy qadriyatlarimizga xos tarbiyasini shakllantirish texnologiyasi va metodikasini ishlab chiqish  ” mavzusida davlat granti bajarilgan. Kafedra qoshida "Modernizatsiyalashgan ta'lim texnologiyalari" nomli ilmiy-metodik seminar doimiy faoliyat olib boradi. 2017 yilda kafedra o‘qituvchilari tomonidan 3 ta monografiya chop ettirilgan.

   

JoomShaper