0 (375) 225 - 34 - 13               

 

01 / 06

QARSHI DU

QDU

QARSHI DU
02 / 06
03 / 06
04 / 06
05 / 06
06 / 06

Yangi yil bayrami munosabati bilan muruvvat tadbirlari davom etmoqda

Shu yilning 26-dekabr sanasida Qarshi davlat universiteti Filologiya fakulteti 1-kurs talabalari Rus tili va adabiyoti kafedrasi mudiri,

dotsent Y.Xamrayeva boshchiligida yangi yil bayrami munosabati bilan Qarshi shahridagi "Muruvvat" nogiron bolalar uchun internat uyida “Yangi yil ertagi” deb nomlangan badiiy-musiqiy tadbir o‘tkazdilar. Tadbirda talabalar tomonidan teatrlashtirilgan ertak qahramonlari sahna ko‘rinishi, qo‘shiq va raqslar bolajonlar e’tiboriga havola qilinib, ularga sovg‘a-salomlar ulashildi. Bayram tadbiri so‘ngida muruvvat uyi tarbiyachi-xodimlari va tarbiyalanuvchilari bayram tashkilotchilariga minnatdorchilik bildirdilar. 

Sahovat - bizning millatimizga xos xususiyatdir. Yangi yil bayrami arafasida Xorijiy tillar fakulteti Ingliz tili va adabiyoti yo‘nalishi 017-18 guruh talabalari guruh murabbiysi D.Begimqulova boshchiligida “Bolalarga quvonch ulashib” shiori ostida Qarshi “Muruvvat” internat uyiga tashrif buyurishdi hamda murg‘ak qalblarga shodlik hadya etish maqsadida ularga sovg‘alar taqdim qilishdi.

Internat uyi jamoasi tarbiyalanuvchilarga bo‘lgan doimiy e’tibor va g‘amxo‘rliklari uchun universitet rahbariyati va fakultet jamoasiga o‘zlarining samimiy minnatdorchiliklarini bildirdilar. 

 

 

 

________________________________________________________________

© Qarshi davlat universiteti  www.qarshidu.uz 

________________________________________________________________